Tout in haut de ch'terril
(Paroles : Arthur Wéry)
 
Dins chés corons queu r'mue-ménache
Chés mineurs vienn't' d'avoir leu congés
Prenn't' leu valisses et partent voyager
A la campagne ou vir leu parinté
Mi comme el'z'autes j'prinds mes bagaches
Ej' m'in vas mais j'quitte pont min pattlin
l'vos du pays v'là l'manière que j'm'y prinds
Sans débourser un sou d'train
 
Ej' passe mes vacances tout in haut de ch'terril
J'a toudis d'la chance ch' terrain i'est jamais pris
J'monte eum'toile ed'tente, j'vis tout seul, ej'm'arrinche
Ej'siffe, ej'ris, ej'cante, ej'sus heureux d~faire du campinche
Je m'fais la popotte, j'vis bien miux qu'à l'hôtel
J'mets comme les cocottes du rouche à mes ortels
Du haut dé m'couplette jé m'cros à Chambéry
Mais jé n'sus qu'au fazte tout in haut de ch 'terril
 
Comme point d'vue faut vir ch'que j'dégotte
Les bos, les prairies des invirons
Chés villaches, chés villes, nou corons
Et je m'rinche l'oeul cha n'me coûte pas un rond
Sus min fu d'bos j'fais tout m'gargotte
Viandox, peumes tierre frites, morcieau d'lard
Et j'a monté trint'chinq lites ed'pinard
Pour mi chucher in père peinard...
 
Ej' passe mes vacances tout in haut de ch 'terril
J'a toudis d'la chance d'vir ch'que j 'vos ch'est à mi
Quand arrife eul'soir, ej 'vos v'nir d z'amoureux
I z'attindent qu'i feche noir, mais mi je n 'les quitte pos des yeux
I vont s'inlaçant, s'dijant des balivernes
Tout in s'imbrassant dins chés blés, dins ch'luzerne
I s'font des papoules in s'app'lant "mon chéri"
Et mi j'vos tout cha d'tout in haut de ch 'terril
 
Mais avant hier j'n'a pont eu d'chance
D'un seul cop vlà qu'i s'met à pluvoir
'ltrinte à l'abri d'zous min perchoir
Em'tente all'pichot, ch'tot pire qu'un arrousoir
Alors j'a poussé la romance
J'a sorti pour m'éviter l'cafard
Et j'a fluté chinq six lites eud' pinard
In berloquant comme un pochard...
 
J'a dégringolé tout in bas de ch 'terril
Arrivé aupied jé m'sus rèl'vé tout meurtri
J'sais pus quo qu j'a fait j'avos tell'mint eun'cuite
A l'plache de m'barette j'avos sus m'tiête euch'codron à frites
Aforche ed'bourler m'panche sus des caillaux
Y'a eun' certain'plache i m'in manquot un morcieau
J'y'a mis un bout d'loque j'sus pos prêt d'ête guéri
Et j'sus armonté tout in haut de ch 'terril
 
Alors' pindant trente ans l'mineur-campeur
il n'quitte pos sin cher terril, minme pinsionné
il y va comme au passé.
Seul'mint aujourd'hui i'est malate,
el'fosse all'l'a usé.
I'est dins sin lit et les larmes aux yux
in ravisant à travers ech'carreau, i dit tout bas:
 
Comme cha va vite comme eul'temps passe
Au terril j'a campé bin d'z'années
A ch't'heure i faut l'abandonner
']é n'sus pus qu'un viux mineur pinsionné
Et j'n'a pus qu'des oches dins m'eareasse
J'sus vieilli mes gampes sont ramollies
Et de l'ferniète in étant dins min lit
In l'ravisant j'dis ch'est fini
 
l'mon'tra pus jamais tout in haut de ch 'terril
Fini désormais l'méd'cin j'l'ai bin compris
Par quarante ans d'fond mes poumons i'ont quite cosse
L'poussière eud'carbon in appelle cha la silicosse
Ch 'est bétot min tour ed 'partir comme tant d'viux
D:faire un long séjour là auprès du Bon Dieu
l'espère qu'i m'laich'ra quand j's'rai au Paradis
Cor'v'nir in vacances tout in haut d'min terril  

         - - - - - - - - - - - - - - - - - - -- - - - - - - - - - - - - - - - - - - - - - - - - - - - - - - - - - - - - - -

El' pinsionnée
(Paroles : Edmond Tannière)
 
In parl' toudis des mineurs
Ch'est vrai ils ont du mérite
Mais qui qui li fait honneur
Ej'vas vous l'dir' bin vite
Ch'est s'femme' qui pindant trent'ans
All's'est n'a bin occupé
Quand l'vell'i prénot eun' cuite
L'lend'main i étot farcé
Heureus'mint qu'all' lé surveillot
Qu'all' li préparot sin bout'lot
 
El' femm' all'a eu
S'pinsion aujourd'hui
All' l'a bin méritée
All' peut s'ardrécher
Car pindant tout' s'vie
All' a bin travaillé
A ch't'heure j'i souhaite
A ell' comm' à li
Ed' bin in profiter
J'peux vous dire à l'avinche
Qu'i vont bin s'arposer
Cha s'ra toudis dimanche
Pour chés deux pinsonnés
 
Chaqu'jour ch'étot l'mêm' rengaine
All' préparot sin codron
Car li pindant tout' l'semaine
I s'arlavot a s'maison
L'caf'tièr' all étot sus ch'fu
L'apéro ch'étot l'goutt' ed jus
Ess' eul joie all' lé savot
Quand all' li lavot sin dos
Ed' timps in timps l'tiote garnoull'
All' i faisot des catoulles
 
El' femm' all'a eu
S'pinsion aujourd'hui
All' l'a bin méritée
All' peut s'ardrécher
Car pindant tout' s'vie
All' a bin travaillé
A ch't'heure j'i souhaite
A ell' comm' à li
Ed' bin in profiter
J'peux vous dire à l'avinche
Qu'i vont bin s'arposer
Cha s'ra toudis dimanche
Pour chés deux pinsonnés
 
Dins s'maison commm' li pas d'zous l'tierre
All' a avalé de l'poussière
Ch'est bête mais faut y busier
All est p'tête silicosée
A ch't'heure i sont bin contints
In-sann' i z'ont fait du qu'min
In peut dir' chou qu'in veut
I vieilliront heureux
Ch'est pour cha que j'rinds hommage
A ell' et sin grand courage
 
El' femm' all'a eu
S'pinsion aujourd'hui
All' l'a bin méritée
All' peut s'ardrécher
Car pindant tout' s'vie
All' a bin travaillé
A ch't'heure j'i souhaite
A ell' comm' à li
Ed' bin in profiter
J'peux vous dire à l'avinche
Qu'i vont bin s'arposer
Cha s'ra toudis dimanche
Pour chés deux pinsonnés  

         - - - - - - - - - - - - - - - - - - -- - - - - - - - - - - - - - - - - - - - - - - - - - - - - - - - - - - - - - -

Ch'meneu d'quévaux
(Paroles : Arthur Wéry)
 
In n'peut pas s'mette dins l'idée
Chou qu'ch'est qu'd'aller m'ner ch'bidet
Aussi vrai que j'appelle Nénesse
J'mène un qu'vau qui file comme l'espress
 
Quand j'l'attelle sus min train d'balles
Sitôt eul'vla qui s'imballe
Plus que j'saque sus ch'l'afilée
I n'arrête pos d'filer
 
Si qu'i accroche einne féniesse
I arrache tout ins s'vitesse
Quand i sint l'train d'balles déhors
Pour saquer i'ardoupe d'efforts
Des fos j'arrive à ch'treul
J'n'ai pus qu'des barrous sans reules
Ch'n'est point toudis rigolo
D'êt' méneu d'quévaux
 
A faire du soixante à l'heure
Min qu'vau i'est tout in sueur
Qu'in n'i'attelle deux trains d'balles d'un coup
Sans r'noucher i vous saqu'ra tout
 
Et filochant comme l'éclair
Les reules i n'touch'té plus l'fer
Ej'sorte dire tout partout qui passe
" Gare o bien j't'ecrasse "
 
In m'a d'jà artrouvé
D'zous min train d'balles dins ch'carné
Comme l'aut'jour eud'vive allure
Allant au burre Tiote Biture
Ech'quévau i'arrive si fèle
Qu'i a monté chinq mètes d'équelle
Ch'n'est point toudis riglolo
D'êt méneu d'quévaux
 
Mais il a eun' sal' manière
Comme i m'tourn' toudis l'derrière
Levant s'queue tout in visant m'tiête
D'un coup d'vint i invol' em' barette
 
De ch'barrou comme un furieux
Ej'bouche s'fuite j'appuie sus s'queue
In r'niflant tout l'long de l'bowette
Eul parfum de l'sal'biête
 
In n'peut pas taper d'sus
Pour li s'inrvinger i rue
I vaut mieux ed'tous ses vices
Fermer s'bouqu' et prind' eun' prise
Et c'qu'i a d'gravé dins s'tiête
I faut qu'cha craque ou ben qu'cha pète
Ch'n'est point toudis riglolo
d'êt méneu d'quévaux
 
Mais v'là qu'el'semaine dernière
Arrife eul'vétérinaire
V'là ti pas qu'avot plein d'épate
Min quévau i'avot chinq pattes
 
El'lend'main z'ingénieurs s'amin'nent
Pour constater l'phénomin'ne
Faut i faire i dit l'maréchal
In fer es'spécial
 
In riot ed'sin sort
In arvettiant s'patte arsort
All'est automatique
All'rinte all'sort a's'rintique
Ch'est comme un parapluie
Qui s'oufe, qui s'ferme, qui s'arplie
Ah mon Dieu qu'ch'tot rigolo
Quand j'tos m'neu d'quévaux  

         - - - - - - - - - - - - - - - - - - -- - - - - - - - - - - - - - - - - - - - - - - - - - - - - - - - - - - - - - -

Les tomates
(Paroles : Roland St-Yves)
 
Ch'est un pauv' garchon
Qui s'app'lot Edmond
I étot des corons
Du côté d'Fouquières
I in avot assez
Après ses journées
D'aller travailler
Dins l'gardin d'sin père
 
Pour s'in échapper
I s'dit : " J'vas m'marier "
Ch'a été vit' fait
I étot pas vilain
All' étot bellotte
Un p'tit peu lolotte
Mais pour la popotte
All' n'y connaîchot rien
 
I mingeot des tomates
Des tomates, des tomates
Et ch'pauv' garchon
I savot bien
Qu'i étot marqué par le destin
Mais i s'disot
Pour se fair' eun' raison
Ch'aurot pu êt' la saison des melons
 
Cha d'vot arriver
Il a tout plaqué
I s'in est allé
Pou' trouver l'bonheur
Ch'est à Carpentras
Qu'un jour i trouva
Quéqu'quoss' qui étot pas
Sin métier d'mineur
 
Dins ces pays là
In réclam' des bras
Faut dir' que ch'est pas
L'boulot qui les tue
Du matin au soir
Comme un vrai bagnard
I étot sus l'trimard
I n'in pouvot plus
 
Des tomates, des tomates
Et ch'pauv' garchon
I savot bien
Qu'i étot marqué
par le destin
Mais i s'disot
Pour se fair' eun' raison
Ch'aurot pu êt' la saison des melons
 
Il avot, ma foi
Un biau filet d'voix
Alors ch'est pour cha
Qu'i voulut canter
I apprit des canchons
Sos s'n'accordéon
Les microsillons
Cha l'faisot rêver
 
I veyot déjà
Paris, l'Olympia
Rimplachant sus l'tas
Johnny Hallyday
Mais l'jour qu'i canta
Dns l'vieux cinéma
Alors i arriva
Ch'qu'i devot arriver
 
I pleuvot des tomates
Des tomates, des tomates
Et ch'pauv' garchon
I savot bien
Qu'i étot marqué
par le destin
Mais i s'disot
Pour se fair' eun' raison
Ch'aurot pu êt' la saison des melons
 
A tout's les misères
Qu'il a eu sur terre
I a pas pu s'y faire
I a pas résisté
Et ch'est à Fouquières
Tout près d'sin grand-père
Dins le vieux cim'tière
Qu'il étot enterré
 
Ch'est par amitié
Qu'l'aut' jour in a s'mé
Des bell's tchiot's pinsées
I les aimot tant
Quind in est r'tourné
Deux, tros mos après
In est tous restés
Comme deux ronds d'flan
 
I poussot des tomates
Des tomates, des tomates
Et ch'pauv' garchon
I savot bien
Qu'i étot marqué
par le destin
Mais in s'disot
Pour se fair' eun' raison
Ch'aurot pu êt' la saison des melons  

         - - - - - - - - - - - - - - - - - - -- - - - - - - - - - - - - - - - - - - - - - - - - - - - - - - - - - - - - - -

Le tango du cachalot
(Paroles : Roland St-Yves)
 
D'pus qu'all a su par la radio
Qu'el patois du Nord y vénot
Ed' l'occupation espagnole
M'tant' qui étot si comm' i faut
Cha li a monté au cerveau
A f'sot mourir l'oncle Anatole
In l'ravisant all' li trouvot
Des airs d'Rudolph Valentino
All en dev'not complèt'ment folle
Et ch'est au biau milieu d'eun' nuit
Qu'in l'réveillant all lui a dit :
Non mais dis-donc, ti té rigoles
Puisque t'as du sang d'hidalgo
Té dos savoir danser l'tango
Apprinds-me cha vite, au boulot
 
Allons, philomén'
T'es d'jà hors d'haleine
T'es comme eun' baleine
Arrêt' ech' phono
Mets-te cha dins t'tiête
L'tango des fauvettes
Cha fait trop bébête
Avec tes cent vingt kilos
Ah ch'est comme cha
Qu'all i a dit
Fais-me-s'in un qui s'ra pus biau
Cha s'ra l'tango du cachalot
 
Cha peut, bien sûr, paraître idiot
Mais le lend'main m'n'oncle y parlot
L'français comm' eun' vaque espagnole
Au fond de l'fosse il expliquot
Aux ouvriers, aux golibots
Joignant le geste à la parole
Qué pour bien danser lé tango
Comme on le fait à Bilbao
Faut d'la moless' dins les épaules
Qué pour lé faire comm' y faut
Faut d'la cambrure dans le dos
Dé la soupless' dins les guiboles
Tout in gardant bien le tempo
On sé tien comm' le toréro
Qui va combattre le taureau
 
Et joue contre joue
Comm' les andalous
Autour des barrous
Cha y allot l'tango
Oui mais les molettes
Les v'là qui s'arrêtent
Y avot pus d'gaillettes
Dins tout l'fosse in dansot
In s'y attindot
Che fut la guerre
Dins les bureaux z'avott' pas quère
L'air du tango du cachalot
 
Cha fait du foin sur le carreau
Et les amindes cha quéyot
Z'ont rinvoyé l'onc' Anatole
Dins les cités cha murmurot
Qu'in arprindot pas le boulot
Si on rindot pas leu idole
Dins les arrièr' sall' ed' bistrot
El syndicat s'réunichot
Contre les libertés qu'in viole
Veyant l'tournur' que cha a pris
Tout d'in cop m'n'onc' i leu z'a dit
Laissez tomber, j'monte eun' école
I vont tertous l'avoir dins l'dos
Pour mi avoir el' dernier mot
J'vas donner des cours ed' tango
 
Pour vir' Philomène
Les salle' y'étott' pleines
Payant à l'quizaine
I v'not l'populo
Les vieux vous diront
Qu'dins tous les corons
Les bandonéons
F'sott' danser l'tango
In raconte cor
Dins les veillées
Ch't"un gars du Nord
Qui a inventé
L'fameux tango du cachalot  

         - - - - - - - - - - - - - - - - - - -- - - - - - - - - - - - - - - - - - - - - - - - - - - - - - - - - - - - - - -

Adieu ch'terril d'rimbert
(Paroles : Guy Dubois)
 
T'étos là comme einne montagne bien à plache
Té faisos partie ed'nou paysache
Qui d'nou pères i aurot pinsé que ch'terril
Par un bieau jour i strot évanoui
Bin mes pauves gins i faudra bien s'y faire
Y'a disparu min viux terril d'Rimbert
 
Bin mes pauves gins i faudra bien s'y faire
Y'a disparu min viux terril d'Rimbert
Quand j'étos gosse ej' grimpos sur tin dos
Si y avot pas d'garte vite in s'faufilot
Parmi chés rals chés aiguillaches chés bos
Et tout l'fourbi qui traînot sus ch'carreau
Et in grimpot tout in haut dins l'poussière
Y'a disparu min viux terril d'Rimbert
 
Et in grimpot tout in haut dins l'poussière
Y'a disparu min viux terril d'Rimbert
T'étos un témoin d'l'ouvrache ed' nou pères
Qui ont ouvré tout leu vie ed'sous l'terre
Pour t'construire y a fallu plus d 'cent vingt ans
Et ravise in n'parle plus d'ti in rien d'temps
T'es parti rogné par chés bull-dozers
J 'te dis adieu min viux terril d'Rimbert
 
J'restos juste in face quand j'n'étos qu'un jonne
l'ravisos monter déchint' el'crinquonne
Chés berlines s'croisottent toudis à l'même plache
Et tout l'journée faire leu remue-ménache
Pour aller baller in haut l'mécante terre
Et dire qu'i est parti min terril d'Rimbert
 
Pour aller baller in haut l'mécante terre
Et dire qu'i est parti min terril d'Rimbert
J'souris quand même parce que j'pinse à quitte cosse
Tous chés gins qui s'sont fait mourir à l'fosse
In' s' doutottent pas in armontant ch' carbon
Que l'terre servirot à leu tits garchons
I n' in frottent einne tête nou arrières grands 'pères
Ed'vir qu'i n'existe pus ch'terril d'Rimbert
 
I n'in frottent einne tête nou arrières grands'pères
Ed'vir qu'i n'existe pus ch'terril d'Rimbert
 
Refrain
 
Chés éfants et pitits éfants d'mineurs
I veul'nt du schiste dins n'allées d'leu demeure
Quand i partent in vacances sur l'autoroute
Je n'cros pas qui n'a bien gramint qui s'doutent
Que l'montagne aile est sous chés reulles à terre
Ch'est là qu't'es parti min terril d'Rimbert
Que l'montagne aile est sous chés reulles à terre
Ch'est là qu't'es parti min terril d'Rimbert
 
Refrain  

         - - - - - - - - - - - - - - - - - - -- - - - - - - - - - - - - - - - - - - - - - - - - - - - - - - - - - - - - - -

Eun' goutt' ed' jus
(Paroles : Edmond Tanière)
 
Tous les jours les femm' dins les corons
Chacun' leu tour s'invit' à leu maison
A pein' qué s'n'homm' i a tourné l'coin de l'rue
Qu'à mon Simon' in bot eun' goutt' ed' jus
Depuis hier in n'a à raconter
Et cha va mieux in buvant sin café
Philomèn' quoss' qu'all' prind dins sin nez
L'seul' femm' de l'rue qui va au cabaret
 
Viens donc boir' eun'goutt' ed'jus
Eun'goutt' ed'jus
Eun'goutt' ed'jus
Profit' qu'i est cor'sus ch'fu
Viens boir' eun'goutt' ed'jus
 
Que d'excus' pour fair' eun' tchot' parlott'
J'n'ai pus d'thym, i m'manqu' eun' échalott'
Heureus' mint qu' dins chaqu' maison de l'rue
Eul' caf'tièr' all' est toudis sus ch'fu
Cha réconforte d'avoir eun' bonn' voisine
Qu'cha soit Jeannette, Suzann' au bin Pauline
I dov'ent avoir fait un stag' au Brésil
Car leur café ch'est pas de l'camomill'
 
Refrain
 
De l'chirlout' ichi in n'in bot pas
Té rues l'cul quand qu'té bos ch'café-là
E1' café comm' dit Marie Toutoul'
Ch'est meilleux avec eun' tchot' bistoul'
L'café par chi i ntsé bot qu'à l'chuchett'
Ch'est telltmint bon, ch' n'est point du jus d'cauchett'
Allez Mélie, arversez-me eun' tasse'
Intiqu' intass', eun' t'occup' pas dé ch'ti qui pass'
 
Refrain  

         - - - - - - - - - - - - - - - - - - -- - - - - - - - - - - - - - - - - - - - - - - - - - - - - - - - - - - - - - -

M'lampiste
(Folklore, adapté et arrangé par Edmond Tannière)
 
M'lampiste
Em' tiot' lampiste
M'lamp'all'va bien mais mi j'sus triste
M'lampiste
Em'tiott lampiste
Car dins tes mains, m'lampt all'va bien
 
A ch't'heure dins tous chés fosses
Pour y trier ch'carbon
In y vot pus qu'des gosses
Des fill's et des garchons
A l'lampist'rie point d'bile
In est tout émotionné
Quand in d'mand' à chés filles
Es' lamp' pour dévaller
In les raviss' ed' coin
In serr' ses poings dins sin béguin
 
Refrain
 
Quand t'armets d'z'allumettes
Dins m'lamp' quand y n'a pus
Ch'est que j'deviens tout bête
Telltmint qu'j'in sus confus
Tin mouchoir bleu sus t'tiète
Avec ses tiots pos blancs
Cha fait tourner m'barett'
Qué j'n'ai pus d'goût d'déchint' au fond
Ej'vos tes yux mignons
Tin court jupon dins min carbon
 
Refrain
 
T'as d'z'yux comm' eun' anguille
Quand t'armont' à midi
Eut' figur' tout plein d'huile
P't'ête bin aut' coss' aussi
Mi noir comm' eun' gaillette
Et plein d'graiss' ed'barrou
l'té prêt'ros bin rn'liquett'
Pour t'imbrasser jusqu'à tin eou
Pusque t'as du déehet
Té peux essuyer mes baisers
 
Refrain
 
Quand t' archeux à l' quinzaine
J'tâch' d'êt' à tes côtés
Près d'tin jupon d'indienne
Jé m'sins tout artourné
Té sins un peu l'binzole
Mais jé m'pouss' contre ti
l'm'in fous si in rigol'
Mi j'té ming'ros comm' un biscuit
car mi J'sus un mineur
Qui donn' sin cœur
Pour un bonheur
 
Refrain
 
El' diminch' dins ch'villache
Avec tous mes copains
l't'aperchos tout in nache
Just' à l'port' d'un crincrin
Hoé! viens fair' eun' danse
Avec un galibot
J'té dis em'tchot' Hortens'
A mon Machut y'a un piano
Et là nous y dans'rons
Au joyeux son d'l'accordéon
 
Refrain  

         - - - - - - - - - - - - - - - - - - -- - - - - - - - - - - - - - - - - - - - - - - - - - - - - - - - - - - - - - -

Y'in a qu'pour li
(Paroles : Simon Colliez)
 
Quand j'intinds certains dire qu'i mènent einne vraie vie d'tchien
J'voudros bien ête à lu plache, i faut vire ltmien
In l'caline in l'chouchoute in li fait des caresses
C'est le petit toutou chéri à sa maîtresse
 
Mi in ravisse à m'acater des cigarettes
Mais in acate des trucs in boîte pou l'pitite bête
In li donne un bol ed' lait caud tous les matins
Mi ch'est toute einne histoire si j'bos un verre ed'vin
 
Pas question d'écouter ltradio après l'dîner
Ch'tchien i s'arpose i faut surtout pas l'réveiller
Mais si ch'est mi qui va m'allonger dins ch'divan
In claque chés portes, là in s'en fout d'faire du boucan
 
Ch 'est pour qui les p'tits mots gentils
Min p'tit biquet min gros chéri
Ch 'est pas pour mi, ch 'est tout pour li
Et ch'est pour qui les p'tites caresses
Les mots rimplis ed' gentillesse
Ch 'est cor pour li, jamais pour mi
All' m'a jamais parlé comme cha
All' m'a jamais dit chés mots-là
A croire qu'ichi, ch'tchien ch'est mi
Surtout n'allez pas croire mes gins
Que j'sus jaloux de ch pitit tchien
Mais i n'n'a qu pour li I'est miux vu qu'mi
 
Li i'a ltdrot d'aller faire sin p'tit tour tous les jours
Mi j'ai à peine el'drot d'aller plus loin que l'cour
I'arvient i rinte avec ses pattes sales dins l'maison
In li dit rien si ch'étot mi quoi que j'prindros
 
In f~sant sin p'tit pipi quand i in met sus ltmoquette
In li dit rien in pardonne tout à l'pitite bête
Mi si j'in mets einne goutte à côté de l'cuvette
Ch'est tout un drame et quoi que j'prinds dins mes niflettes
 
Refrain
 
Avec un tchien d'garde comme cha all' est bien montée
Te n'sais même pas si i s'rot capable d'aboyer
Si un jour par malheur ail' s'faisot attaquer
l'cros bien que che Trot li el'premier à stsauver
 
Tous les soirs ch'est parel pour raviser l'télé
Mi j'sus sur einne caïelle li i est sus ch'canapé
Tout au début j'ai voulu l'faire décamper
I m'a mordu, m'femme ail' m'a cor ingueulé
 
Refrain  

         - - - - - - - - - - - - - - - - - - -- - - - - - - - - - - - - - - - - - - - - - - - - - - - - - - - - - - - - - -

Les molettes
(Paroles : Edmond Tanière)
 
Y'a longtemps ej' min rappell'
Ch'étot l'âm' ed' la région
I fallot l'saquer à l'pelle
Dins chés tall's éeh' earbon
In étot noyés d'sueur
In y mettot tout sin eoeur
In savot qu'eha n'étot pas pour rien
Ch'est eomm' eha qu'in gagnot sin pain
Pour cha in étot pas tout seul
Là in haut i n' n'avot deux
 
Tout à l'tiêt' du chevalet
I n'arrêtott' pas d'tourner
Quand in l'air in l'vot ses yeux
ln étot tout heureux
Aujourd'hui in n'vot pas cha
Jé n'cros pas qu'cha r'tournera
I vont bientôt disparaître
Les molettes
 
Y'a Totoche un vieux mineur
Qui vient d'avoir es' pinsion
Y'a bin n'mau à sin eoeur
Qui n'peut pus vir el' fond
Comm' y dit ch'étot l'bon temps
Si j'avos incor vingt ans
l'apprindros à tous ehés jeun's d'à eh't'heure
Commint t'nir un martieau-piqueur
Mais in ravissant in l'air
Tout d'un eop i'a invie d'braire
 
Tous les jours éd' bore matin
Dé l'voyette éd' sin gardin
I véyot tourner deux roulettes
Cha vivot ch'étot bien
Aujourd'hui cha n 'marche plus
Ch'est muet comme eun' statue
In va les fair' disparaître
Les molettes
 
Mais j'cros Lin qu'ch'est pas fin
E1' carbon ch'est tout'not'vie
I attind fauqu' après nous
Des molettes des barrons
E1' souffrance, el' faim, l'bhômage
Cha s'ra Lin vite oublié
In rouvrira tous les moulinaches
In s'ra fier ed' dévaller
Alors in haut des chevalets
Les roulettes i s'mettront à r'tourner
 
Ch'est tondis rot' seul espoir
D'armonter un jour tout noir
Avec incor dins s 'musette
Du bon pair d'alouette
De l 'cage jusqu'au lavabo
In pinss'ra tous à nos tchots
In n'veut pus jamais qu'i s'arrêtent
Nos molettes
 
Ch 'est toudis not' seul espoir
D'armonter un jour tout noir
In n'veut pas les vir disparaître
Nos molettes  

         - - - - - - - - - - - - - - - - - - -- - - - - - - - - - - - - - - - - - - - - - - - - - - - - - - - - - - - - - -

I bot un d'mi
(Paroles : Simon Colliez)
 
L'aut' jour min bieau frère i s'amène à m' maison
I m'dit comm' cha Marcel ti qui as jamais sorti
Ed' main j'vais à Paris si té veux v'nir viens avec mi
 
Pinsez qu'j'étos contint mi qui n'sus jamais sorti
Plus loin que min patelin enfin j'allos vir Paris
In visit'ra tous chés musées parait qu'ch'est bieau à vir
 
L'lend'main nous v'là partis min bieau frère em'soeur pis mi
O' sommes arrivés sus l'coup d'dix heures ed' d'mi
E1' premier truc à faire i'm dit ch'est d'aller boire un d'mi
Car pour un ch'timi c'qui compte ch'est un d'mi
 
Quand un' ch'timi i'est d'sortie
Quoi qu'i bot à vou avis
I bot un d'mi i bot un d'mi
Quand un ch'timi i'est in nache
Pour s'ardonner du courache
I bot un d'mi i bot un d'mi
Et pis l'Jour équ' cha va mal
Pour s'armonter sin moral
I bot un d'mi i bot un d'mi
Einne pression un jus d'houblon
Quand cha mousse ch'est toudis bon
I bot un d'mi i bot un d'mi
 
Dins l'premier café o' sommes rintrés
Un homme in noir et blane i s'amène sus nous
Et i nous dit comme cha: "Pour ces m'sieurs dames
qu'est-ce que ce sera?"
 
Eh bin min tchiot loute te vas nous mette tros d'mi
I'm ravise d'un drôle d'oeil i n'avot rien compris
Trente six eoups j'ai dû y dire que c'qu'in voulot
ch'est tros d'mis
Car pour un ch'timi c'qui eompte ch'est un d'mi
 
Refrain  

         - - - - - - - - - - - - - - - - - - -- - - - - - - - - - - - - - - - - - - - - - - - - - - - - - - - - - - - - - -

Du qu'i sont
(Paroles : Guy Dubois)
 
Dù qu'i sont tout's chés compagnies ed' mineurs
Qui allottent ed' sous terre faire ech' dur labeur
Au pic, à ltriv'laine, rassaquer ech' carbon
A l'abattache, au herchache, dù qu'i sont ?
 
Dù qu'i sont tous les mineurs du grand saquache
A l'bowette, à front ed' talle, à l'accrochache
Méneux ed' quévaux, raccommodeux, porions
Nou pères, nou hardis taïons, dis dù qu'i sont ?
 
Dù qu'i sont chés rires ed' chés filles à gaillettes
Oubliant leu peines pour einn'amourette
Au moulinache, ouvrant comme chés garchons
Nou lampistes et leu taillettes, dù qu'i sont ?
 
Dù qu'i sont, i vous d'mind'ront un jour vou gosses
Les souv'nirs ed'chés gins qui allottent à l'fosse
Pus d'chevalets, pas d'terrils, et pas d'corons
'vous lamint'rez aussi, dù qu'i sont ?
Dù qu'i sont tout's chés compagnies ed' mineurs
Porions, galibots, calins, ou ingénieurs
Lampistes, filles à gaillettes, carrieux d'carbor'
Nou terrils, nos molettes, dis dù qu'i sont ?
 
Dù qu'i sont chés bons jonnes ed'douze tréize ans,
Au fond pousseux ed' barrous, les pieds in sang,
Au jour trieux ed' caillaux et d'bon carbon,
Nou z'archelles ed' galibots, dù qu'i sont ?
 
Dù qu'i sont les Sainte Barbe et les ducasses
Les fêtes ed' famille, les guinces, les fricasses
Loin d'chés grèv's et d'chés accidints du fond
El'tarte à gros bords, les canchons, dù qu'i sont ?
 
Refrain
 
Dù qu'i sont les viux corons ed' chés mineurs
Dù qu'in partageot insonne les bonheurs,
L'amitié all' s'trouvot sus l'seul ed'chés masons
Les bons momints à ch'pignon, dis dù qu'i sont ?
 
I sont rintrés dins l'légende ed' nou sièque
A l'fosse nou pères ont souffert, ont péri
Leu durts misères méritent qu'in les respecte
Conservons leu chevalets, et leu terrils